POLISI WAPONGEZWA KUPUNGUZA UHALIFU

 Na Kija Elias, Moshi.

SERIKALI imelipongeza jeshi la polisi kwa kupunguza uhalifu wa kimataifa kufikia asilimia 1.1 tofauti na ilivyokuwa mwaka 2012.

Naibu Waziri wa Mambo ya Ndani ya Nchi, Pereira Ame Silima, alitoa pongezi hizo wakati akifungua mkutano mkuu maafisa wandamizi wa jeshi la polisi, uliofanyika ukumbi wa chuo cha polisi Moshi.

Alisema  pamoja na Tanzania kutajwa kuongoza katika utekelezaji wa maazimio ya mikakati ya kukabiliana na uhalifu wa kimataifa kati ya nchi wanachama wa INTERPOL, kuongezeka kwa matukio ya uhalifu wa mitandao na uhalifu wa kimataifa, ni moja ya changamoto zilizokuwa zikichafua sura ya taifa kimataifa.

Alisema  ushirikiano huo umesaidia  kuongeza imani kwa wananchi na  vyombo vya dola, imani ambayo haitokani na matumizi ya nguvu dhidi ya wahalifu, bali  limewezeshwa kwa kiasi kikubwa kwa utekelezaji  wa sheria ya ugaidi  ya mwaka  2002 na sheria  ya fedha chafu ya mwaka  2006.

Hata hivyo, alisema kuna viashiria mbalimbali vinavyoonesha kuongezeka kwa aina hizo za uhalifu na kutolea mfano wa ongezeko la fedha chafu zinazopatikana na hutumika kutanua mitandao ya kihalifu kitaifa na kimataifa.

Aidha aliongeza kuwa jeshi la polisi linapaswa kuongeza ushirikiano ili kurudisha imani kwa wananchi na vyombo vya dola.

Kwa upande wake Mkuu wa jeshi la polisi nchini, IGP Ernest Mangu,alisema jeshi lake limejiandaa ipasavyo kukabiliana na vurugu ambazo zinazojitokeza hususani nyakati za uchaguzi.

Alisema wakati nchi ikijiandaa na mchakato wa upatikanaji wa katiba mpya suala la amani, usalama na utulivu ni moaj ya vipaumbele ambavyo jeshi lake imejipanga kulishughulikia.