WANANDOA WASHAURIWA KUTATUA MATATIZO YAO KWA MAZUNGUMZO; SOMA TAARIFA HII KUTOKA MKOANI MBEYA

   “PRESS RELEASE” TAREHE  22. 11. 2013. 

WILAYA YA MBARALI – MAUAJI.

MNAMO TAREHE 21.11.2013 MAJIRA YA SAA 07:00HRS HUKO KATIKA KIJIJI CHA MAHANGO, KATA YA   MADIBILA , TARAFA YA  RUJEWA WILAYA YA  MBARALI MKOA  WA MBEYA.  JITIHADA D/O MAMGA, MIAKA 20, MBENA,  MKULIMA, MKAZI WA MAHANGO ALIUAWA KWA KUCHOMWA KISU AKIWA NYUMBANI   NA MUME WAKE GERVAS S/O KADAGA, MIAKA 25, MSANGU, MKULIMA, MKAZI WA MAHANGO. MWILI WA MAREHEMU ULIKUTWA NA MAJERAHA TISA YA  KUCHOMWA KISU SEHEMU MBALIMBALI. AIDHA MTUHUMIWA ALIJERUHIWA KWA KUCHOMWA KISU TUMBONI NA MAREHEMU NA  AMELAZWA HOSPITALI YA  RUFAA MBEYA. CHANZO KINACHUNGUZWA. KAMANDA WA POLISI MKOA WA MBEYA KAMISHNA MSAIDIZI MWANDAMIZI  WA POLISI DIWANI ATHUMANI ANATOA WITO KWA JAMII HASA WANANDOA KUTATUA MIGOGORO YAO KWA NJIA YA  MAZUNGUMZO ILI KUEPUKA MATATIZO YANAYOWEZA KUEPUKIKA NA KULETA MADHARA KWA FAMILIA.  

WILAYA YA RUNGWE – AJALI YA GARI KUMGONGA MTEMBEA KWA MIGUU
NA   KUSABABISHA KIFO.

MNAMO TAREHE 21.11.2013 MAJIRA YA  SAA 15:00HRS HUKO  KATIKA KIJIJI CHA LUBANDA,  KATA  YA  ILIMA,   TARAFA YA  PAKATI, BARABARA YA  TUKUYU/KYELA  WILAYA YA  RUNGWE MKOA WA MBEYA, GARI T.291 BFZ   AINA YA  TOYOTA COASTER LIKIENDESHWA NA DEREVA ALIYEFAHAMIKA KWA JINA LA  ELIA S/O MAPANDE,  LILIMGONGA MTEMBEA KWA MIGUU   LAINA D/O MWANKINA,  MIAKA 53,  KYUSA, MKULIMA, MKAZI WA KIJJI CHA LUBANDA  NA KUSABABISHA KIFO CHAKE  PAPO HAPO. CHANZO NI MWENDO KASI. DEREVA ALIKIMBIA NA KUTELEKEZA GARI ENEO LA TUKIO MARA BAADA YA AJALI.  KAMANDA WA POLISI MKOA WA MBEYA KAMISHNA MSAIDIZI MWANDAMIZI  WA POLISI DIWANI ATHUMANI ANATOA WITO KWA MADEREVA KUWA MAKINI WANAPOTUMIA VYOMBO VYA USAFIRI KWA KUZINGATIA SHERIA NA ALAMA ZA BARABARANI ILI KUEPUKA AJALI ZINAZOWEZA KUEPUKIKA.  AIDHA ANATOA RAIA KWA YEYOTE MWENYE TAARIFA JUU YA  MAHALI ALIPO MTUHUMIWA AZITOE KATIKA MAMLAKA HUSIKA ILI AKAMATWE NA SHERIA ICHUKUE MKONDO WAKE, VINGINEVYO AJISALIMISHE MWENYEWE. 

Signed by,

 [DIWANI ATHUMANI   - SACP]

KAMANDA WA POLISI MKOA WA MBEYA.